Got a tip? Send it to us at manila@coconuts.co.
On this series, social activist Juana Change rides a taxi and talks to drivers about life and living in Metro Manila. This week, she meets a taxi driver who is very happy with his employer.
Juana C: Bakit kanyo kayo masaya?
Taxi Driver: Matino ho operator ko ngayon. PHP1,450 lang ho boundary ko. May pa-SSS at -Pag-ibig din ho at pa-raffle.
JC: Taray! Marami na rin akong nasakyan kadalasan yung ganitong klase ng taxi PHP1,500 o PHP1,600 ang boundary sa beinte-kwatro oras. At ni walang SSS o Pag-ibig. Sino ba operator mo, papa?
TD: World at Cord. Isa lang ho may-ari nu’n.
JC: Ano yung pa-raffle?
TD: Tuwing katapusan po, lahat kaming mga driver excited. Nagpapa-raffle po ng pera sa aming mga driver kada-katapusan. Isang PHP1,500, dalawang PHP1,000, limang PHP500, limang PHP250. Tapos maraming tig-iisang daan.
JC: Wow! Siguro mga at least PHP10,000 a month binabalik ng operator niyo sa inyong mga driver.
TD: Opo! Basta wala ka lang pong absent. Pag may absent, hindi kasali sa raffle. Kaya po kami, puro masisipag pumasok. At saka din po, may kalahating-kabang bigas kada buwan ang walang absent.
JC: Huwow!
TD: Dati ho akong MGE. Duon ho, pag hindi ka kumpleto sa boundary, iiwan mo lisensya mo.
JC: So paano ka magmamaneho?
TD: Babayaran mo muna utang mong boundary. Eh para mabayaran mo, siempre dapat makapagmaneho ka di ba? Sa kanila tutubusin mo muna. Eh kung walang perang pantubos yung tao? Paano niya mababayaran, di ba? Di lalong hindi makaka-biyahe. Hindi puwedeng sa susunod mong biyahe bawiin pambayad sa kulang mo. Kaya kawawa yung mga drayber dun.
JC: Ang lupit! Ididiin ka talaga, ano?
TD: Pinasuntok nga ako dun ng retired na pulis, eh. Kinampihan ko kasi yung bisayang mga drayber na kinunan ng lisensya. Nangatwiran ako, sabi ko, “Maawa naman kayo.” Eh kamag-anak pala nung nagpapalakad yung kausap ko. Ayun! Nai-report ko. Isang araw habang uminom, kasi pwedeng uminom sa loob eh, pinagsusuntok ako. Dahil mabait naman ako dun, may kumampi sa akin, tinulungan ako. Pinalo sila ng bote. Sila nga kawawa, kaso kaming tatlo ang nakulong. Bayad pa kaming tatlo ng tig-apat na libo.
TD: Oho! Daming taxi nun. Mga 500.
JC: 500 driver ang nagdurusa dun. Eh itong minamaneho niyo sino may-ari? Ilan ang taxi niya? Bakit ang babait nila?
TD: Mga halos 200 ho taxi niya. Dati ho siyang pulis. Masipag din. Galing sa hirap.
JC: O ha! Pulis na may malasakit at pa-consuelo sa mga tao niya. Hindi suwapang. Marunong magbahagi ng kita. Winner!
TD: Kami rin po yung kapag nakaka-iwan mga pasahero namin ng pera o gamit sa taxi, sinasauli namin.
JC: Sana mas madalas pa akong makasakay sa World at Cord taxi. Mabuhay po kayo!
